أسطورة الاساطير ممدوح فرج حصريا علي دريم كول

من طرف **محمود السيد@** الأحد مايو 31, 2009 2:05 pm

اعزائى اعضاء منتدىدريم كول
سلامو عليكوم

موعدنا اليوم مع اولى حلقات قناة أوسيم كوميدي

والتي نستضيف فيها لأول مرة أسطوة الأساطير

الكابتن العالمي ممدوح فرج

بعد قليل ........

================

الآن برنامج أسطورة الأساطير مع ممدوح فرج

******************************

المذيع: اعزائى المشاهدين معنا اليوم بطل العالم للوزن الثقيل و الخفيف
و المتوسط ( مش عرف ازاى ) معنا مصارع انتركونتننتال شامبيون
اسطورة الاساطير ممدوح فرج.....اهلا بيك
ممدوح: اهلا بيك و بكل المشاهدين اللى متابعينا
المذيع: كابتن ممدوح ممكن تكلمنا عن تاريخك المشرف
ممدوح: طبعا طبعا....انا هحكى الحكاية من الاول..لما كان عندى 10 سنين كنت بشوف الشباب فى الحارة
بيتخانقوا بالمطاوى و بيقطعوا بعض و حلمت انى ابقى زيهم
و لما بقى عندى 20 سنةقررت انى اخوض اول معركةليا بالمطاوى
وطبعا كانت النتيجة انى اتسحبت على القسم و حلقوا لى شعرى على الزيرو
مع كام قلم على قفايا من ايد مخبر متحمس
نهايته خرجت من القسم وقررت انى اسيب البلد
قريت فى الجرنال ان ادولف هتلر فى المانيا طالب شباب عشان يدخلهم مدارس يتعلموا المصارعة
قلت اهه كله عجن اروح و خلاص
و هناك اتعلمت المصارعة على ايد اساتذة عظام
و هم رودلف بوم سلام و ستيف دى دى تى و جون سوبلكس
و الحمدلله بقيت مصارع فورمة و سوبر لوكس على المفتاح
اتاريهم بيعملوا كده عشان يودونا الجبهة فى المانيا قلت بقى انا اهرب من الجيش فى مصر عشان احارب فى المانيا
بس يا عم خدت ديلى فى سنانى و طيران على امريكا
و هناك اتعرفت على مستر مكمان و ابتدى شغلى الحقيقى فى المصارعة
المذيع: ممكن نخرج فاصل و بعدين نكمل
ممدوح: طبعا من حقك تخرج فاصل و نررررررررررجع مرة تانية